تہران: ایرانی کمانڈر میجر جنرل رضا موسوی کی نماز جنازہ کی امامت ایرانی سپریم لیڈر آیت اللّٰہ خامنہ ای نے کی۔
رپورٹس کے مطابق اسرائیلی حملے میں شہید ہونے والے ایرانی کمانڈر میجر جنرل رضا موسوی کی نماز جنازہ تہران میں ادا کردی گئی۔ ایرانی کمانڈر شام میں اسرائیلی حملے میں شہید ہوئے تھے۔
پاسدارن انقلاب کے سربراہ جنرل حسین سلامی کا کہنا تھا کہ اسرائیل کے خلاف 7 اکتوبر کا طوفان اقصیٰ آپریشن مکمل طور پر فلسطینی کارروائی تھی۔
انہوں نے مزید کہا کہ فلسطین کی یہ کارروائی 75 سال سے جاری اسرائیلی ظلم اور بربریت پر ردعمل تھا۔
دوسری جانب ایرانی وزیر دفاع محمد رضا آشتیانی نے کہا کہ ایران اسرائیل کے خلاف جوابی کارروائی درست وقت آنے پر کرے گا۔
