بلوچستان اور خیبرپختونخوا میں فضائی راستے سے بیلٹ پیپرز کی ترسیل کا فیصلہ

بلوچستان اور خیبرپختونخوا کے بعض علاقوں میں بیلٹ پیپرز کی ترسیل فضائی راستے سے کرنے کا فیصلہ کیا گیا ہے۔

الیکشن کمیشن کے مطابق گوادر، پنجگور،کیچ اور خاران میں بیلٹ پیپرز ائیر لفٹ کیے جایں گے۔ باجوڑ اور کرم ایجنسی میں بھی بیلٹ پیپرز کی ترسیل فضائی راستے سے ہوگی۔

قومی اور صوبائی اسمبلیوں کے بیلٹ پیپرزہیلی کاپٹر اور سی ون تھرٹی کے ذریعہ بھجوائے جائیں گے۔ اسلام آباد سے قومی اسمبلی کی تین نشستوں کے بیلٹ پیپرزکی چھپائی آج سے شروع کردی گئی۔

یہ بھی پڑھیں :انتخابی نشانات میں ردوبدل کے باعث کچھ حلقوں میں الیکشن ملتوی کرنے کا عندیہ

بلوچستان سے قومی اور صوبائی اسمبلیوں کے تمام حلقوں کے بیلٹ پیپرزکی چھپائی مکمل ہوگئی۔ خیبر پختونخوا کے 90 فیصد ووٹوں کی طباعت مکمل ہو گئی ہے۔ پنجاب کے 80 اور سندھ کے 60 فیصد بیلٹ پیپرزکی چھپائی بھی مکمل ہو گئی ہے۔