احسن اقبال نواز شریف سے بھی بڑا ڈاکو ہے

کراچی: وفاقی وزیر نے احسن اقبال کو نواز شریف سے بڑا ڈاکو قرار دے کر تین دن لٹکا نے کا مطالبہ کردیا۔

وفاقی وزیر برائے آبی وسائل فیصل واوڈا نے اپنی ٹوئٹ میں لکھا کہ احسن اقبال عرف ارسطو نواز شریف سے بھی بڑا ڈاکو ہے، احسن اقبال کو پہلے پکڑنا چاہئے تھا مگر بہت بعد میں پکڑا گیا۔

ٹوئٹ میں فیصل واوڈا نے لکھا کہ احسن اقبال کی فرنٹ کمپنی اوررشتہ داروں کی فہرست جلد سامنےلاوں گا، احسن اقبال کی لوٹ مار نے ملک کو تباہی کے دہانے پر لا کھڑا کیا ہے ایسے لوگوں کو کم از کم 3 دن لٹکاناچاہئے۔

احسن اقبال عرف ارسطو عرف منافق نواز شریف سے بھی بڑا ڈاکو ہے۔ اس کو سب سے پہلے پکڑنا چاہئے تھا لیکن بہت بعد میں پکڑا گیا۔ اس کی فرنٹ کمپنی اور رشتہ داروں کی فہرست جلد سامنے لاونگا۔ ان کی لوٹ مار نے ملک کو تباہی کے دہانے پر لا کھڑا کیا۔ ایسے لوگوں کو کم از کم 3 دن لٹکانا چاہئے

— Faisal Vawda (@FaisalVawdaPTI) December 23, 2019

نیب راولپنڈی نے احسن اقبال کو نارووال اسپورٹس سٹی کرپشن کیس میں تحقیقات کے لیے گرفتار کیا ہے۔