فخر زمان کے متنازع آؤٹ پر شعیب اختر کا ردِعمل
جوہانسبرگ: فخر زمان کے متنازع رن آؤٹ پر غیر ملکی کرکٹرز بھی حیران
سابق فاسٹ بولر شعیب اختر نے جنوبی افریقی وکٹ کیپر کوئنٹن ڈی کوک کے فخر زمان کو رن آؤٹ کرنے اور پھر طنزیہ ہنسی پر اپنا ردِعمل دیتے ہوئے کہا کہ ڈی کوک نے جو کیا وہ اچھے کھیل کا معیار نہیں ہے۔
سابق فاسٹ بولر شعیب اختر نے اپنے تصدیق شدہ ٹوئٹر اکاؤنٹ پر شائقین کرکٹ کیلئے ایک ویڈیو شئیر کی ہے جس میں انہوں نے میچ پر تبصرہ اور تجزیہ پیش کیا۔
What a master inning by @FakharZamanLive. Treat to watch. Single handedly brought the game here.
Sad end to the inning. Deserved a 200.
Was the spirit of the game compromised by South Africa & @QuinnyDeKock69 in that run out??Full review: https://t.co/bi2f2Qgxij#PAKvSA pic.twitter.com/7Uvt8Ovhpn
— Shoaib Akhtar (@shoaib100mph) April 4, 2021
ویڈیو میں شعیب اختر کا کہنا ہے کہ ’فخر زمان کے 200 رنز نہیں ہوسکے ، میں اسے چیٹنگ تو نہیں کہوں گا لیکن یہ اچھے کھیل کا معیار نہیں ہے۔‘
سابق فاسٹ بولر نے گزشتہ روز کھیل کے دوران ہونے والے واقع سے متعلق موجود کرکٹ قوانین کے بارے میں بتاتے ہوئے کہا کہ ’آئی سی سی کے قوانین کے 41.5 آرٹیکل میں یہ واضح لکھا ہوا ہے کہ اگر آپ جان بوجھ کر کسی دوسرے کھلاڑی کا دھیان بٹانے کی کوشش کریں گے تو اضافی 5 رنز دیے جائیں گے اور ساتھ ہی وہ بال بھی دوبارہ ہو گی اور اس پر جو رنز کھلاڑی لے گا وہ بھی شامل کیے جائیں گے۔
دوسرے ون ڈے کے دوران فخر زمان کے متنازع رن آوٹ پر غیر ملکی کرکٹرز نے بھی حیرت کا اظہار کیا ہے۔
Question ❓❓❓
is De kock allowed to do cheating As per the the rules of @ICC
Seriously i don’t know but I shocked Please don’t do that with gentleman game cricket🙏🏾👎🏾@QuinnyDeKock69 @FakharZamanLive#PakvRSA pic.twitter.com/gPQ2IxGE3a— Sherfane Rutherford (@SRutherford50) April 4, 2021
کوئن ٹن ڈی کوک کے رویے کو کرکٹ فینز کے ساتھ ساتھ دیگر کرکٹرز اور مبصرین نے بھی تنقید کا نشانہ بنایا ہے۔
ویسٹ انڈین کرکٹر شیرفین ردرفورڈ نے لکھا کہ کیا ڈی کوک کو قانون میں چیٹنگ کی اجازت ہے؟جینٹلمین گیم کے ساتھ ایسا نہ کریں۔
Fakhar Zaman well played 👏🏽👏🏽👏🏽👏🏽 totally understand having batted the entire innings for 193 & nearly getting @TheRealPCB over the line. We can forgive you by getting fooled by Quinton 🤦🏾♀️
— Lisa Sthalekar (@sthalekar93) April 4, 2021
آسٹریلیا کی سابق خاتون کرکٹر لیزا اسٹالیکر بھی سوشل میڈیا پر بولیں کہ ان معاملات پر امپائرز کو فوری ردعمل دکھانا چاہئے تھا۔
The more I see this the more I dislike the obvious deception. #SAvPAK https://t.co/Slx7LwsJv6
— Alan Wilkins (@alanwilkins22) April 4, 2021
کرکٹ کمینٹیٹر ایلن ولکنس نے بھی ڈی کوک کے عمل پر مایوسی کا مظاہرہ کیا۔
پاکستان کرکٹ ٹیم کے ہیڈ کوچ وقار یونس نے بھی فخر کی اننگز کی تعریف کرتے ہوئے سوشل میڈیا پر کہا کہ اتنی شاندار اننگز کے بعد ڈی کوک کی طنزیہ مسکراہٹ کا کیا مقصد تھا۔
