کراچی: سندھ حکومت شہریوں کو سہولیات فراہم کرنے میں ناکام ہو چکی ہے۔
کنور نوید جمیل کا کہنا ہے کہ وفاق کروڑوں روپے سندھ کو دے رہا ہے، سندھ کی متعصب حکومت کراچی پر کچھ خرچ نہیں کر رہی۔
ایم کیو ایم رہنما کنور نوید جمیل کا کراچی میں میڈیا سے گفتگو کرتے ہوئے کہنا تھا کہ مطالبہ کرتے ہیں کہ کراچی کے مسائل کو حل کیا جائے، ایک ایک گھر میں پانی دینا صوبائی حکومت کی ذمہ داری ہے، ہم نے اپنے مطالبات کو حکومت سندھ تک پہنچا دیا ہے۔
کنور نوید جمیل کا کہنا تھا کہ ہم ٹیکس دیتے ہیں تو یہ صوبہ چلتا ہے، سندھ حکومت شہریوں کو سہولیات فراہم کرنے میں ناکام ہو چکی ہے۔
ان کا کہنا تھا کہ وفاق کروڑوں روپے سندھ کو دے رہا ہے، سندھ کی متعصب حکومت کراچی پر کچھ خرچ نہیں کر رہی، ہم کراچی کے مسائل حل کرنے کیلئے سڑکوں پر نکلے ہیں۔
