وزیراعلیٰ بلوچستان جام کمال خان اپنے عہدے سے مستفی نہ ہونے پر اسرار

کوئٹہ: وزیراعلی بلوچستان جام کمال خان استعفی نہ دینے پر ڈٹ گئے، ناراض اراکین نے کہا ہے کہ اکثریت ہمارے ساتھ ہے، وزیراعلیٰ جام کمال نے استعفی نہ دیاتو تحریک عدم اعتماد پیش کریں گے۔

تفصیلات کے مطابق بلوچستان میں سیاسی بحران برقرار ہے ، گزشتہ روز بی اے پی کے اراکین اسمبلی کا اجلاس ہوا ، جس میں ناراض اراکین وزیراعلی بلوچستان کے استعفے پر بضد رہے تاہم وزیراعلی بلوچستان جام کمال خان استعفی نہ دینے پر ڈٹ گئے۔

پارلیمانی لیڈر بی این پی عوامی اسدبلوچ نے کہا کہ بی اے پی کےپارلیمانی گروپ میں اکثریت ہمارے ساتھ ہے اور جام کمال کوہٹانے کے آپشن موجود ہیں۔

عوامی اسدبلوچ کا کہنا تھا کہ وزرا اور مشیروں کے استعفے جام کمال کے خلاف تحریک عدم اعتماد ہے، وزیراعلیٰ جام کمال نے استعفی نہ دیا تو تحریک عدم اعتماد پیش کریں گے۔

اپوزیشن اراکین نے سیاسی بحران کے خاتمے کے لیےگورنر سے مدد طلب کرلی ہے اور کہا گورنر وزیراعلی سےاعتماد کا ووٹ حاصل کرنے لیے اسمبلی اجلاس طلب کریں۔