کورونا کی نئی قسم سامنے آنے کے بعد عالمی منڈی میں تیل کی قیمت میں بڑی کمی ہوگئی۔
خام تیل کی عالمی منڈی میں قیمتیں اپریل 2020 کے بعد کم ترین سطح پر آگئی ہیں۔
کورونا کی نئے ویرینٹ کی خبر نے عالمی سطح پر سرمایہ کاروں کو بھی خوفزدہ کردیا ہے۔
رائٹرز کے مطابق برینٹ کروڈ آئل کی قیمت 8.62 ڈالر فی بیرل کم ہوکر 73.60 ڈالر ہوگئی ہے جبکہ امریکی خام تیل کی قیمت 9.36 ڈالر کم ہوکر 69.03 ڈالر فی بیرل ہوگئی ہے۔
اس کے علاوہ دنیا بھر میں اسٹاک مارکیٹ پر بھی اس کا اثر پڑا ہے اور امریکا، فرانس، جرمنی اور برطانیہ کی اسٹاک مارکیٹوں میں مندی دیکھی گئی۔
کورونا کی نئی قسم سامنے آنے کے بعد دنیا کے مختلف ممالک نے افریقی ممالک سے فلائٹ آپریشن معطل کرنے کا اعلان کیا ہے۔
