اسلام آباد : وفاقی وزیر اسد عمر نے کہا ہے کہ کرونا کے مثبت کیسز کی تعداد میں دو فیصد اضافہ ہوا ہے، کراچی کی انظامیہ کو حفاظتی اقدامات یقینی بنانے کی ہدایت کی ہے۔
ان خیالات کا اظہار رہنما پاکستان تحریک انصاف و وفاقی وزیر منصوبہ بندی اسد عمر نے سماجی رابطے کی ویب سائٹ پر کیا، ان کا کہنا تھا کہ گزشتہ 6 ہفتے سے اوسط کرونا وائرس کے مثبت کیسز کی تعداد دو فیصد سے کم تھی۔
انہوں نے اپنے ٹوئٹ میں کہا کہ پچھلے ہفتے کرونا وائرس کے مثبت کیسز کی تعداد 2 فیصد سے زائد رہی، کراچی، اسلام آباد، آزاد کشمیر میں منی اور اسمارٹ لاک ڈاؤن دوبارہ نافذ کیا گیا۔
اسد عمر کا کہنا تھا کہ ملک بھر میں انتظامیہ کو حفاظتی اقدامات یقینی بنانے کی ہدایت کی ہے لیکن کامیابی پہلے کی طرح عوام کے تعاون کے بغیر نا ممکن ہے۔
6 ہفتے اوسط قومی سطح پر پوزیٹیویٹی 2٪ سے کم رہنے کے بعد پچھلے ہفتے 2٪ سے زیادہ رہی. کراچی، اسلام آباد، آزاد کشمیر میں منی سمارٹ لوک ڈاؤن دوبارہ نافذ. ملک بھر میں انتظامیہ کو حفاظتی اقدامات یقینی بنانے کی ہدایت کی گئی ہے. لیکن کامیابی پہلے کی طرح عوام کے تعاون کے بغیر ناممکن ہے
— Asad Umar (@Asad_Umar) October 11, 2020
واضح رہے کہ دنیا بھر کی طرح پاکستان میں بھی کرونا وائرس کی دوسری لہر نے سر اٹھانا شروع کردیا تھا جس کے بعد اکتوبر کے اوائل میں حکومت کی جانب سے منی اسمارٹ لاک ڈاؤن نافذ کردیا گیا تھا تاکہ وبا کے دوبارہ پھیلاؤ کو روکا جاسکے۔
