پاکستان میں انتشار پھیلانے کیلئے عمران خان کی فنڈنگ کی گئی

اسلام آباد : شازیہ مری کا کہنا ہے کہ ریاست عمران خان کی 2014 سے 2018 تک کی فارن فنڈنگ منظر عام پر لائے۔

انہوں نے کہا کہ وفاقی وزیر اور ترجمان پیپلز پارٹی پارلیمنٹیرینز شازیہ مری نے جاری بیان میں کہا کہ 2014 سے 2018 تک عمران خان کی فارن فنڈنگ کی تحقیقات بہت ضروری ہے۔ پاکستان میں انتشار پھیلانے کیلئے عمران خان کی فنڈنگ کی گئی تھی۔

انہوں نے کہا کہ پیسے کی طاقت پر عمران خان کی زبان لمبی ہوگئی ہے۔ شہباز گِل کا بیانیہ عمران خان کا بیانیہ ہے۔ عمران خان کے شر اور فتنے سے ادارے بھی محفوظ نہیں رہے۔ عمران خان خود کو آئین اور قانون سے بالاتر سمجھتے ہیں۔