عمران خان کا کہنا تھا کہ زرتاج گل نے ایک خاتون ہو کر روایتی سیاستدانوں کو پی ٹی آئی نظریے سے شکست دی۔ ذرائع کے مطابق زرتاج گل کو مرکز میں اہم ذمہ داری ملنے کا امکان ہے۔

اسلام آباد:پاکستان تحریکِ انصاف کے چیئرمین عمران خان نے نواز شریف کی جلد صحت یابی کیلئے دعا کی ہے۔پی ٹی آئی چیئرمین عمران خان نے سابق وزیرِاعظم میاں محمد نواز شریف کی جلد اور مکمل صحت یابی کیلئے دعا کی ہے۔ خیال رہے کہ نواز شریف کی طبعیت خراب ہونے پر انھیں اڈیالہ جیل سے ہسپتال منتقل کرنے کا فیصلہ کیا گیا ہے۔

یاد رہے کہ چند دن قبل بھی نواز شریف کی اڈیالہ جیل میں طبعیت خراب ہو گئی تھی، ڈاکٹروں کی ٹیم نے جیل میں ان کا معائنہ کیا تھا۔ ڈاکٹرز کا کہنا تھا کہ نواز شریف کی طبعیت ٹھیک نہیں ہے، اس صورتحال انہیں زیادہ دن جیل میں گزارنے نہیں دے گی اور جلد یا بدیر انہیں ہسپتال منتقل کرنا پڑے گا۔ بعد ازاں پمز ہسپتال کے پانچ رکنی بورڈ نے نواز شریف کا جیل میں تفصیلی معائنہ کیا تھا اور بعض ٹیسٹ بھی کیے تھے۔ ڈاکٹرز کی رائے تھی کہ نواز شریف کی حالت بہتر نہیں ہوتی تو انھیں انجائنا کا دورہ پڑنے کے خدشات بڑھ سکتے ہیں۔