عابد شیر علی نے اپنے ہی قائد نواز شریف کو مرحب سے تشبیہ دیدی

لاہور: مسلم لیگ نون کے رہنما و وزیر مملکت برائے پانی و بجلی عابد شیر علی نے اپنے ہی قائد نواز شریف کو مرحب سے تشبیہ دیکر سب کو حیران کردیا ہے۔ سماجی رابطے کی ویب سائٹ ٹوئٹر پر عابد شیر علی نے لاجواب شعر لکھ کر ناصرف سب کو حیرا کر دیا بلکہ اپنے اوپر ناتھمنے والی تنقید کا باب بھی کھول دیا۔ لیگی رہنما نے ٹوئٹر پر اپنے قائد کی تصویر شئیر کی اور ساتھ میں یہ شعر لکھا کہ

پہلے للکار رہے تھے کہ کہاں ہے مرحب
جب وہ میدان میں آیا تو برُا مان گئے

اس ٹوئٹ کے سامنے آنے کے ساتھ ہی مخالفین نے عابد شیر علی کو شدید تنقید کا نشانہ بنایا، ایک شخص نے لکھا کہ شرم نہیں آتی ایک مسلمان کو کافر بنا رہے ہو، ایک نے لکھا کہ وہ نواز شریف کو اس کے اعمال کی وجہ سے کافر سے ملا رہا ہے، ساتھ میں ہننے والا سائن بھی لگا دیا۔ ریحان اختر نے لکھا کہ نواز شریف کو مرحب سے تشبیہ دینے پر آپکو خراج تحسین پیش کرتے ہیں۔ یاد رہے کہ مرحب ایک یہودی تھا جو جنگ خیبر میں حضرت علی علیہ السلام کی تلوار سے جہنم واصل ہوگیا تھا۔