کراچی میں پراسرارآتشزدگی۔ نظارت کی 150 گاڑیاں اورجھگیاں خاکستر

 پراسرارآگ سے ڈیڑھ سوگاڑیاں اوردرجنوں جھگیاں راکھ ہوگئیں۔

تفصیلات کے مطابق عزیز بھٹی پارک تھانےکے عقب میں جھاڑیوں میں اچانک آگ بھڑک اُٹھی۔ شعلوں نےتحویل میں لی گئی گاڑیوں کو بھی لپیٹ میں لے لیا۔

آگ کی خبرملتےہی فائربریگیڈ کی گاڑیاں پہنچ گئیں۔ فائر فائٹرز نےچار گھنٹے کی جدوجہد کےبعد آگ پرقابو پالیا، آتشزدگی سے نظارت کی ڈیڑھ سو گاڑیاں اور خانہ بدوشوں کی درجنوں جھگیاں جل کر راکھ ہوگئیں۔

جلنےوالی گاڑیاں لاوارث تھیں یاان کےکیسز چل رہے تھے۔ سوال یہ اُٹھتا ہےکہ اچانگ اتنی خوفناک آگ خود لگی یا لگائی گئی