More share buttons
Share with your friends










Submit
کھیل و ثقافت

سیکیورٹی وفد کی رپورٹ مثبت: سری لنکا کا پاکستان میں ٹیسٹ میچ کھیلنے پر غور

Share on Pinterest
Share with your friends










Submit

سیکیورٹی ٹیم کی مثبت رپورٹ کے بعد سری لنکا نے پاکستان میں ٹیسٹ میچ کھیلنے پر غور شروع کردیا۔

کرک انفو کے مطابق سری لنکا کے سیکیورٹی وفد نے لاہور اور کراچی کا دورہ کرکے بورڈ کو انتہائی مثبت رپورٹ دی ہے جس کے بعد تمام چیزیں معمول کے مطابق ہونے پر پاکستان میں مارچ 2009 کے لاہور حملے کے بعد ٹیسٹ کرکٹ واپس آسکتی ہے۔

پاکستان اور سری لنکا کے درمیان ورلڈٹیسٹ چیمپئن شپ کی پہلی سیریز کو کسی نیوٹرل وینیو پر کھیلنے کی تجویز دی گئی تھی تاہم پاکستان کرکٹ بورڈ نے سری لنکن بورڈ کو یہ سیریز پاکستان میں کھیلنے کی پیشکش کی۔

پاکستان کرکٹ بورڈ کی پیشکش کےبعد سری لنکن بورڈ نے سیکیورٹی انتظامات کا جائزہ لینے کے لیے اپنا وفد بھیجا تھا۔

سری لنکن کرکٹ بورڈ کے چیف ایگزیکٹو آفیسر ایشلے ڈی سلوا کا کہنا ہےکہ انہیں اپنی سیکیورٹی ٹیم کی جانب سے انتہائی مثبت رد عمل ملا جس کے بعد ٹیم بھیجنے سے قبل پاکستان کرکٹ بورڈ سے کچھ متبادل صورت پر بھی بات کی جائے گی جب کہ اس حوالے سے حکومت سے بھی صلاح مشورہ کیا جائے گا۔

میڈیا رپورٹس کے مطابق سری لنکا کے کچھ کھلاڑی ٹیسٹ کھیلنے کے لیے پاکستان جانے پر تحفظات کا بھی اظہار کرسکتے ہیں کیونکہ اکتوبر 2017 میں سری لنکا نے لاہور میں ایک ٹی ٹوئنٹی میچ کھیلا تاہم اس ٹیم میں سری لنکا کے بڑے نام شامل نہیں تھے۔

سری لنکا کے ٹی ٹوئنٹی کپتان اوپل تھرنگا، لستھ ملنگا، نروشن ڈکویلا، سورنگا لکمل اور اکیلا دننجایا نے پاکستان آنے سے انکار کردیا تھا جس کے بعد تھیسارا پریرا کو ٹیم کی کپتانی سونپی گئی۔

پاکستانی اداکارہ مہوش حیات بولی وڈ اداکارہ پریانکا چوپڑا پر برس پڑیں

Share on Pinterest
Share with your friends










Submit
ٹیگز
مزید دیکھیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button