More share buttons
Share with your friends










Submit
کھیل و ثقافت

فاسٹ بولر حسن علی بھارتی دوشیزہ کے ساتھ شادی کے بندھن میں بندھ گئے

Share on Pinterest
Share with your friends










Submit

دبئی: قومی کرکٹ ٹیم کے فاسٹ بولر حسن علی اور سامعیہ آرزو رشتہ ازدواج میں منسلک ہوگئے۔

تفصیلات کے مطابق قومی کرکٹ ٹیم کے فاسٹ بولر حسن علی اور بھارتی لڑکی سامعیہ آرزو رشتہ ازدواج میں منسلک ہوگئے، نکاح کے بعد نئے جوڑے نے اسٹیج پر فوٹو سیشن کرایا۔

نکاح کے موقع پر حسن علی نے کالی شیروانی اور سامعیہ آرزو نے سرخ‌ رنگ کا عروسی جوڑا زیب تن کیا ہوا تھا۔

نکاح کی تقریب دبئی میں منعقد ہوئی جس میں اہل خانہ، دوستوں سمیت کرکٹر شاداب خان نے شرکت کی، حسن علی اور سامعیہ آرزو کو سب نے دعائیں دیں اور اہل خانہ سمیت تمام شرکا نے مبارک باد پیش کی۔

حسن علی اور ان کے اہل خانہ کی 22 اگست کو وطن واپسی کا پلان ہے، نکاح کے بعد باقاعدہ رخصتی دو سے تین ماہ بعد ہوگی، ولیمے کی تقریب پاکستان میں ہوگی۔

حسن علی کا کہنا تھا کہ زندگی کی نئی اننگز شروع کرنے پر خوش ہوں، نکاح پاکستان میں ہوتا تو اور بھی زیادہ مزہ آتا، سامعیہ کو کرکٹ پسند نہیں ہے، ان کا پسندیدہ کرکٹر بھی میں ہی ہوں۔

کرکٹر شاداب خان نے سماجی رابطے کی ویب سائٹ ٹویٹر پر حسن علی کو شادی کی مبارک باد دیتے ہوئے لکھا کہ میرے دوست حسن علی کی شادی ہے، دعا ہے کہ تم اور بھابھی ہمیشہ خوش رہو۔

واضح رہے کہ فاسٹ بولر حسن علی نے نکاح سے قبل سامعیہ آرزو کےساتھ برج خلیفہ کے سامنے فوٹو شوٹ کروایا تھا۔

بھارتی ٹینس اسٹار اور کرکٹر شعیب ملک کی اہلیہ ثانیہ مرزا نے زندگی کا نیا سفر شروع کرنے پر حسن علی کو مبارک باد دیتے ہوئے نیک خواہشات کا اظہار کیا تھا۔

خیال رہے حسن علی بھارتی لڑکی سےشادی کرنے والے چوتھے پاکستانی کرکٹر ہیں، اس سے قبل ظہیر عباس، محسن حسن خان اور شعیب ملک بھارتی لڑکیوں سے شادی کرچکے ہیں۔

پاکستان کرکٹ بورڈ نے ایسوسی ایشن کرکٹ ٹیموں کے انتخاب کے لیے تین رکنی آزاد ماہرین

Share on Pinterest
Share with your friends










Submit
ٹیگز
مزید دیکھیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button