More share buttons
Share with your friends










Submit
دنیا

14 روز سے زیر زمین پھنسے ہوئے 11 کان کنوں کو بحفاظت نکال لیا

Share on Pinterest
Share with your friends










Submit

بیجنگ: دو ہفتے بعد زیر زمین پھنسے 11 کان کنوں کو بحفاظت نکال لیا گیا

چینی ریسکیو اہلکاروں نے ایک دھماکے کے بعد 14 روز سے زیر زمین پھنسے ہوئے 11 کان کنوں کو بحفاظت نکال لیا لیکن ان کے 10 ساتھی اب تک لاپتا ہیں۔

برطانوی خبررساں ادارے رائٹرز کی رپورٹ کے مطابق کان کنوں کی حالت ابہتر ہے، ٹیلی ویژن فوٹیج میں دیکھا گیا کہ جب پہلے کان کن کو زمین کی سطح پر پہنچایا گیا تو اس کی آنکھوں کو ایک دم دن کی تیز روشنی سے بچانے کے لیے پٹی باندھی گئی تھی۔

سرکاری نشریاتی ادارے کی چلائی گئی سی سی ٹی وی فوٹیج کے مطابق کان کن کی حالت انتہائی لاغر تھی، ریسکیو ورکرز نے اس نحیف شخص کو کمبل میں لپیٹا اور ایمبولینس میں لے کر ہسپتال روانہ ہوگئے۔

اس کے بعد چند ہی گھنٹوں میں کان کے مختلف حصوں سے 10 مزید کان کنوں کو نکال لیا گیا جنہیں ریسکیو ورکرز گزشتہ ہفتے سے ایک شافٹ کے ذریعے کھانے پینے اور طبی اشیا فراہم کررہے تھے۔

ریسکیو مرکز کے چیف انجینیئر کا کہنا تھا کہ ‘ہم نے آج صبح ایک پیش رفت کی، یہ ٹوٹے ہوئے پاؤڈر جیسے حصے صاف کرنے کے بعد ہم نے دیکھا کہ اندر سوراخ ہیں جس پر ہماری پیش رفت میں تیزی آئی۔

حکام کا کہنا تھا کہ بقیہ 10 لوگوں تک پہنچنے کے لیے رکاوٹوں میں ایک ریسکیو شافٹ ڈرل کرنے میں مزید 2 ہفتے لگ جائیں گے۔

سرکاری خبررساں ادارے کا کہنا تھا کہ ان کی حالت اچھی ہے اور انہیں کئی روز تک نیوٹرنٹ مائع دینے کے بعد ہفتے سے معمول کی خوراک دی جارہی تھی۔

خیال رہے کہ 10 جنوری کو خطے میں سونے کی بڑی کانوں میں سے ایک ہوشان کان ایک دھماکے سے بیٹھ گئی تھی جس کے نتیجے میں زمین کے 600 میٹر (2 ہزار فٹ) نیچے 22 کان کن پھنس گئے تھے۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close