حکومت نے آئی ایم ایف کو شرائط پر عملدرآمد کی یقین دہانی کرادی

وزیراعظم شہبازشریف نے آئی ایم ایف کیساتھ معاملات طے کرنے کی منظوری دیدی۔

حکومت کی جانب سے آئی ایم ایف کو شرائط پر عملدرآمد کی یقین دہانی بھی کرادی گئی ہے۔ وزیراعظم نے وزیرخزانہ کو معاملات طے کرنے کاٹاسک دے دیا۔

آئی ایم ایف وفد نے وزیراعظم شہبازشریف سے ویڈیو لنک ملاقات بھی کی اور مذاکرات سے آگاہ کیا۔ ملاقات میں وزیر خزانہ اسحاق ڈار بھی موجود تھے۔

یاد رہے کہ معاہدے کی صورت میں پاکستان کو ایک اعشاریہ ایک ارب ڈالر کی اگلی قسط ملے گی۔اگلی قسط کی منظوری آئی ایم ایف کا ایگزیکٹو بورڈ دے گا۔

آئی ایم ایف شرائط کے مطابق پاکستان کو بجلی، گیس کی قیمتوں اور پیٹرولیم پر ٹیکس بڑھانا ہوگا۔ توانائی شعبے میں گردشی قرضے میں کمی اور اصلاحات یقینی بنانا ہوں۔

آئی ایم ایف شرط کے مطابق پاکستان کو دوست ممالک سے پانچ ارب ڈالرتک کے فنڈز کا انتظام بھی کرنا ہوگا۔