بیروت : لبنان کی وزیراطلاعات منال عبدالصمد مستعفی ہوگئی۔
بیروت کی بندرگاہ کے قریب دھماکے کے بعد پہلا استعفیٰ آگیا اور لبنان کی وزیراطلاعات منال عبدالصمد مستعفی ہوگئی ہیں۔
وزیراطلاعات منال عبدالصمد نے اپنے ایک بیان میں کہا کہ بیروت کے سانحے کے بعد میں حکومت سے مستعفی ہونے کا اعلان کرتی ہوں اور ناکامی پر لبنانی عوام سے معافی بھی مانگتی ہوں۔
عرب نیوز کے مطابق لبنان کے میرونائٹ چرچ کے سربراہ نے پوری حکومت سے ہی سانحے پر مستعفی ہونے کا مطالبہ کیا ہے۔
