ٹی ٹوئنٹی رینکنگ : بابر اعظم دوسرے نمبر پر آگئے
بابر اعظم کی T20رینکنگ میں ترقی، دوسرے نمبر پر آگئے
انٹرنیشنل کرکٹ کونسل نے تازہ ترین ٹی ٹوئنٹی رینکنگ جاری کر دی، پاکستانی کپتان بابر اعظم ایک درجہ ترقی پا کر دوسرے نمبر پرپہنچ گئے، انگلینڈ کے ڈیوڈ ملان پہلے جبکہ ایرون فنچ تیسرے نمبر پر ہیں۔
آئی سی سی رینکنگ میں پاکستانی کپتان بابر اعظم دوسرے نمبر پر آ گئے ہیں، ان کے پوائنٹس کی تعداد 844 ہوگئی ہے، انگلینڈ کے ڈیوڈ ملان 892 پوائنٹس کے ساتھ پہلے نمبر پر موجود ہیں جبکہ آسڑیلوی کپتان ایرون فنچ ایک درجے تنزلی کے بعد تیسرے نمبر پر چلے گئے ہیں۔
Movement in the @MRFWorldwide ICC men’s T20I Batting Rankings with @babarazam258 moving up to second 📈
Full list 👉 https://t.co/y6w2zMiR7l pic.twitter.com/XgbmVz5E7c
— ICC (@ICC) April 21, 2021
نیوزی لینڈ کے ڈیون کونوے کا چوتھا اور بھارتی کپتان ویرات کوہلی کا رینکنگ میں پانچواں نمبر ہے ۔
بولنگ میں جنوبی افریقہ کے تبریز شمسی پہلے ، افغانستان کے راشد خان دوسرے جبکہ آسٹریلیا کے آشٹن اگیر تیسرے نمبر پر ہیں ۔
