پاکستان کے خلاف مذموم مقاصد رکھنے والے عناصرسے سختی سے نمٹیں گے

اسلام آباد: سانحہ آرمی پبلک اسکول اور سقوط ڈھاکہ ہماری تاریخ کے دو ناقابل فراموش واقعات ہیں۔

وزیر داخلہ نے کہا ہے کہ سانحہ آرمی پبلک اسکول اور سقوط ڈھاکہ ہماری تاریخ کے دو ناقابل فراموش واقعات ہیں۔

ٹوئٹر پر جاری اپنے پیغام میں شیخ رشید نے کہا کہ آج کے دن پوری قوم اپنے شہدا کو خراج تحسین اور سلام پیش کرتی ہے۔

ان کا کہنا ہے کہ ان واقعات شہدا نے پاکستانی قوم کو ملک دشمنوں سے مقابلہ کرنے کا ایک نیا جذبہ دیا۔

انہوں نے کہا کہ پاکستان کے خلاف مذموم مقاصد رکھنے والے عناصرسے سختی سے نمٹیں گے۔

یاد رہے کہ 16 دسمبر 2014ء کی صبح دہشت گردوں نے پشاور کے آرمی پبلک اسکول میں بزدلانہ کارروائی کرتے ہوئے 132 طالبِ علموں سمیت 141 افراد کو شہید کردیا تھا۔