حکومت مخالف اتحاد نے لانگ مارچ کی حکمت عملی تیار کر لی

اسلام آباد: پی ڈی ایم نے لانگ مارچ سے پہلے حکومت پر دباو ڈالنے کی حکمت عملی تیار کر لی۔

ذرائع کے مطابق پی ڈی ایم کے لانگ مارچ سے پہلے ن لیگ نے عوام کو متحرک کرنے کیلئے مریم نواز کو ایک بار پھر متحرک کرنے کا فیصلہ کیا ہے۔

پارٹی نے مریم نواز کو ایک بار پھر متحرک کرنے کا فیصلہ کیا ہے جس حوالے سے پارٹی قائد نواز شریف نے بھی مریم نواز کو عوامی رابطوں کیلئے ہدایت جاری کر دی ہے۔

پارٹی قائدین کو ن لیگ کی نائب صدر کی سیاسی سرگرمیوں کو حتمی شکل دینے کی ہدایات بھی جاری کر دی گئی ہیں،دوروں کیلئے ڈویژنل اور ضلعی صدور کو خصوصی ہدایات دے دی گئیں ہیں جبکہ مریم کی گرفتاری کے خدشات پر پارٹی کو پلان بی تیار کرنے کی بھی ہدایت کی گئی ہے۔