زمین سے زمین تک مار کرنے والے نصر  میزائل کا کامیاب تجربہ

راولپنڈی: پاکستان نے زمین سے زمین تک مار کرنے والے نصر  میزائل کا کامیاب تجربہ  کیا ہے.

پاک فوج کے شعبہ برائے تعلقات عامہ (آئی ایس پی آر) کے مطابق پاکستان نے مختصر فاصلے تک مار کرنے والے بیلسٹک میزائل نصرکا تجربہ کیا.

آئی ایس پی آر کے مطابق بیلسٹک میزائل نصر سے آپریشنل صلاحیت میں اضافہ ہوگا، نصر میزائل انتہائی کامیابی سے ’’شوت اینڈاسکوٹ‘‘ ویپن سسٹم کا حامل ہے.

ویپن سسٹم بھرپور دفاعی صلاحیت کاحامل ہے، نصر  میزائل بیلسٹک میزائل، ایئرڈیفنس سسٹمز کو تباہ کرنے کی صلاحیت رکھتا ہے، تجربے سے آرمی اسٹریٹجک فورسز کمانڈ کی صلاحیت میں  اضافہ ہوگا.

سی جے سی ایس سی جنرل زبیر  محمودحیات نے تجربے کا مشاہدہ کیا، جنرل زبیر نے آرمی اسٹریٹجک فورسز کمانڈ کی تیاری اور  پیشہ ورانہ تربیت کو سراہا.