سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے وفاقی حکومت کے خلاف جنگ کا اعلان کردیا ہے۔
مائیکرو بلاگنگ سائٹ ٹوئٹر پر اپنے بیان میں شیخ رشید احما نے کہا ہے کہ آج سے ظلم کے خلاف اعلان جنگ ہے، ہارتا وہ ہے جو ہار مانتا ہے، موت کے منہ سے بھی کامیابی کو چھین کر رہیں گے۔
شیخ رشید کا کہنا تھا کہ اللہ کا شکر ہے کہ اللہ نے ہمت دی اور 16 روز موت کی چکی کو بھی سسرال کا گھر سمجھ کر گلے لگایا، ملک زندگی اور موت کی کشمکش سے گزر رہا ہے جس طرح قائد اعظم نے پاکستان بنایا تھا اس طرح عدلیہ پاکستان کو بچائے گی۔
آج 3 بجے لال حویلی میں ظالمانہ نظام کے خلاف عمران خان کے ساتھ مل کر تاریخی بیان دوں گا اور وہ غریب جو ایڑیاں رگڑ کر مر رہا ہے اسکی آواز بنوں گا۔ میرےگھر میں پولیس نے ڈکیتی کی ہے۔اب ساری قوم ٹویٹر پر میراساتھ دے۔اقتدار کے بھوکوں کا جمعہ بازار لگا ہے۔اب یا کبھی نہیں کا وقت آ گیا ہے
— Sheikh Rashid Ahmed (@ShkhRasheed) February 17, 2023
انہوں نے کہا کہ میرے گھر میں پولیس نے ڈکیتی کی ہے، اقتدار کے بھوکوں کا جمعہ بازار لگا ہے، اب یا کبھی نہیں کا وقت آ گیا ہے، ہارتا وہ ہےجو ہار مانتا ہے، موت کے منہ سے بھی کامیابی کو چھین کر رہیں گے۔
سابق وزیر کا مزید کہنا تھا کہ آج سے ظلم کے خلاف اعلان جنگ ہے، آج 3 بجے لال حویلی میں ظالمانہ نظام کے خلاف عمران خان کے ساتھ مل کر تاریخی بیان دوں گا، وہ غریب جو ایڑیاں رگڑ کر مر رہا ہے اسکی آواز بنوں گا، ساری قوم ٹوئٹر پر میرا ساتھ دے۔
