محکمہ موسمیات کے مطابق آج ملک کے بیشتر علاقوں میں شدید گرمی ہوگی

تفصیلات کے مطابق میدانی علاقوں میں گرمی کی شدت میں اضافہ ہوگا،پنجاب کے میدانی علاقوں میں بھی شدیدگرمی کی پیشنگوئی ہے، لاہور،گوجرانوالہ اورفیصل آباد میں درجہ حرارت پینتالیس ڈگری سے بھی زیادہ ہوسکتاہے.

محکمہ موسمیات کے مطابق اسلام آباد میں درجہ حرارت چالیس ڈگری سینٹی گریڈ سے زیادہ رہے گا،جبکہ پشاور میں بھی درجہ حرارت چالیس ڈگری سینٹی گریڈ سے زیادہ ہونے کا امکان ہے.

دوسری جانب مالاکنڈ، ہزارہ، پشاور، کوہاٹ ڈویژن،بالائی فاٹا،گلگت بلتستان اور کشمیر میں چند مقامات پر تیز ہواؤں اور گرج چمک کےساتھ بارش کا امکان ہے۔

کراچی میں سمندر سے آنے والی ہوائیں کراچی کےدرجہ حرارت کو سینتیس ڈگری سینٹی گریڈتک محدودرکھیں گی.

یاد رہےگزشتہ چوبیس گھنٹوں کے دوران نورپورتھل،جیکب آباد47، دادو، بہاولنگر،سبی،رحیم یارخان،اوکاڑہ، بھکر،روہڑی،جہلم منڈی بہاوٗالدین میں درجہ حرارت 46 ڈگری ریکارڈ کیا گیا،جبکہ مالاکنڈ ڈویژن،فاٹا،کشمیر اور گلگت بلتستان میں چند مقامات پر تیز ہواوٰں اور گرج چمک کےساتھ بارش ہوئی.