آصف علی نے بین الاقوامی اور قومی اعزاز حاصل کرلیا

آصف علی بین الاقوامی ٹی ٹوئنٹی کرکٹ میں ایک ہی اوور میں 4 چھکے لگانے والے پہلے پاکستانی بن گئے۔

جارح مزاج بلے باز آصف علی نے افغانستان کے خلاف میچ میں فتح گر اننگز کھیل کر ایک بین الاقوامی اور ایک قومی اعزاز حاصل کرلیا۔

واضح رہے کہ افغانستان کے خلاف سپر 12 کے اہم میچ میں آصف علی نے 19ویں اوور میں 4 چھکے لگا کر پاکستان کو کامیابی سے ہمکنار کیا تھا۔

اب تک کسی بھی پاکستانی بلے باز نے بین الاقوامی ٹی ٹوئنٹی کرکٹ میں ایک اوور میں 4 چھکے نہیں لگائے تھے۔

آصف علی 7 گیندوں پر 25 رنز بنا کر آصف علی مین آف دی میچ رہے اور یہ کسی بھی بین الاقوامی ٹی ٹوئنٹی میچز میں سب سے کم گیندوں پر مین آف دی میچ کا ایوارڈ حاصل کرنے کا ریکارڈ ہے۔

ان سے قبل بھارت کے دنیش کارتھک 2018 میں کولمبو میں ہونے والے نداہاس ٹرافی کے فائنل میں بنگلادیش کے خلاف 9 گیندیں پر 29 رنز بنا کر اپنی ٹیم کو جیت دلوائی تھی اور مین آف دی میچ کے حقدار ٹھہرے تھے۔

 آصف علی نے اب تک مینز ٹی ٹوئنٹی ورلڈکپ 2021 میں دو میچز میں بیٹنگ کی اور دونوں میں ہی ناقابلِ شکست رہے ہیں جبکہ انہوں نے  مجموعی طور پر 19 گیندوں 7 چھکوں کی مدد سے 52 رنز بنا رکھے ہیں۔

اب تک ٹورنامنٹ میں 7، 7 چھکے لگا کر ساتھ آصف علی اور ویسٹ انڈیز کے ایون لوئس مشترکہ طور پر سرِ فہرست ہیں۔