پاکستان نےزمبابوے کو ایک اننگز اور 147 رنز سے شکست دے دی
ہرارے: پاکستان نے دوسرے اور آخری ٹیسٹ میچ میں زمبابوے کو ایک اننگز اور 147 رنز سے شکست دیتے ہوئے سیریز میں کلین سوئپ کرلیا ہے۔
تفصیلات کے مطابق ہرارے ٹیسٹ کے چوتھے روز کھیل کا آغاز ہوا تو پاکستان کو میزبان ٹیم کے خلاف وائٹ واش کے لیے صرف ایک وکٹ درکار تھی، شاہین شاہ آفریدی نے آخری وکٹ حاصل کی اور اسی کے ساتھ پاکستان نے زمبابوے کو ٹیسٹ سیریز میں کلین سوئپ کیا۔
زمبابوے کو پہلی اننگز میں فالوآن کرنے کے بعد قومی ٹیم کے فاسٹ بولرز نے دوسری اننگز میں بھی شاندار بولنگ کی، شاہین شاہ آفریدی نے زمبابوے کے دوسری اننگز میں 5 کھلاڑیوں کو آؤٹ کیا اور ٹیم کی کامیابی میں اہم کردار ادا کیا، فاسٹ بولر نے میچ میں مجموعی طور پر چھ وکٹیں حاصل کیں۔
فالوآن کا شکار زمبابوے پر دوسری اننگر میں آف اسپنر نعمان علی بھی قہر بن کر ٹوٹے اور انہوں نے بھی 5 کھلاڑیوں کو پویلین کی راہ دکھائی۔
اس سے قبل ہرارے ٹیسٹ میں زمبابوے ٹیم 510 رنز کے جواب میں صرف 132 رنز بنا کر ڈھیر ہوگئی تھی، حسن علی نے مسلسل تیسرے ٹیسٹ میچ میں 5 وکٹیں حاصل کیں تھیں، ساجد خان نے دو شاہین آفریدی اور تابش خان نے ایک ایک وکٹ لی۔
پاکستانی ٹیم کے اوپنر عابد علی نے ہرارے ٹیسٹ کو یادگارہ بناتے ہوئے اپنے کریئر کی پہلی ڈبل سنچری اسکور کی ، اسی اعزاز کے ساتھ وہ ہرارے میں ڈبل سنچری بنانے والے دوسرے پاکستانی بلے باز بنے،اس سے قبل سابق کپتان اور موجودہ بیٹنگ کوچ یونس خان نے 2013 میں ڈبل سنچری اسکور کی تھی۔
یہ بھی پڑھیں: پاکستان 250 رنز کی برتری کے ساتھ آؤٹ
ڈبل سینچری بنانے پر عابد علی کو مین آف دی میچ کا ایوارڈ دیا گیا۔
Pakistan win the second #ZIMvPAK Test and the series 2-0#HarHaalMainCricket | #BackTheBoysInGreen pic.twitter.com/WiPHd0lGC4
— Pakistan Cricket Live (@TheRealPCB_Live) May 10, 2021
https://twitter.com/ICC/status/1391663342192795649?ref_src=twsrc%5Etfw%7Ctwcamp%5Etweetembed%7Ctwterm%5E1391663342192795649%7Ctwgr%5E%7Ctwcon%5Es1_&ref_url=https%3A%2F%2Furdu.arynews.tv%2Fpakistan-clean-sweep-zimbabwein-test-series-harare%2F
